Doono ek saath mare
Ek mahal mein
ek mahal ke bahar naale mein
Mahal wale chilla pade
Woh bata ke gaye the..
Mai marunga toh 1 biga zameen mein hi gadunga
Par kaise?
Pata nahi par hoga toh wahi
Do hisse hogaye
Dono taraf se lad pade
Ek bola kaat de
Dusra bola kaat ke faila de
Kya baat ki hai
Aaj woh hote toh tumhe inaam dete
Sab mann gaye
Kato kato kato
Kisne kahan marne ke baad yeh sab nahi rehta?
Jaldi kato
Tezi se kaato
Hum sachchi praja hai
Utee mein mahal wali laash zor se hil kar gir padi
Sab chauke
Pucha gaya toh pata chala usi samay naale wali laash bhi hili thi
Ek bachcha bol raha tha
Dono bade khush they
Kuch samjha rahe thee woh usko
Hass hass kar ke bol rahe thee
Kuch kaatne ke wajood ki baat kar rahe thee..
Pata nahi
Aaj puri kheer milegi mandir mei?
Chalo sab wahi milenge...
No comments:
Post a Comment